Ohabolana 31,10-22

Ny vehivavy mendrika

1- Mazoto miasa
Misikina hery izy, ary hatanjahiny ny sandriny» (and.17). Vehivavy manana herijika, toa tsy mety reraka miasa mandrakariva ho fanasoavana ny tokantrano no lazaina fa mendrika eto. Vehivavy manao asa tanana ahazoana mividy tanim-boaloboka no voalaza eto. Vehivavy manomana ny filana ao an-tokantrano, mitsinjo lavitra, mahavita ny adidiny. Manampy ny vadiny ihany koa, mikarakara ny zanany, manomana ho avy mahafinaritra, miteny amin’ny fahendrena. Tanjona amin’izany, hanao izay hahafaly ny vadiny. Ary matoky azy amin’izany ny lahy. Na dia sarotra sy mafy anefa izany, ataony amin’ny fifaliana ho tombotsoan’ny vadiny. Moa tsy toy izany ny toetra tokony ananan’ny Fiangonana ho filana ho an’i Jesoa Kristy ?
2- derain’ny ankohonany

« Ny zanany mitsangana ka midera azy hoe :

sambatra; ny lahy koa mitsangana ka midera azy…» (and.28). Midera ny vehivavy mendrika ny lahy satria tsy noho izy miavaka ihany fa noho ny fahendrena ananany. Tonga fiainany mihitsy ny fahendrena sy fahamendrehana. Mitondra fahasambarana sy fifaliana ho an’ny tokantrano ny vehivavy mendrika. Amin’ny fotoana ahatsapan’ny lahy fa tena mendrika ny vadiny dia hidera azy izy ary ny zanany ho feno fahasambarana. Ny vehivavy mendrika dia mahay maneho mandrakariva toetra mendrika eo anatrehan’ny vadiny sy ny zanany fa mpanompo sady mahay manompo. Ny fisainana kristiana dia mandray izany ho toy ny Fiangonana izay vadin’i Kristy araka an’Andriamanitra, ary mendrika ho vadin’ny mpanjaka dia Jesoa Kristy izany

Fanontaniana
Inona no antony tsy hananan’ny vehivavy ireo toetra ireo?
Sampana Sekoly Alahady FOIBE FJKM